މާރަންދޫ ކައުންސިލް ކަޕްގެ ގުރޫޕް ސްޓޭޖްގެ ފަހު މެޗްގައި ވޮލްވްސް އެފްސީ އަދި އެފްސީ ރިކަވަރ ބައްދަލުކުރި މެޗް 3-2 ގެ ނަތީޖާއަކުން ވޮލްވްސް އެފްސީ ކާމިޔާބުކޮށްފިއެވެ.
މި މުބާރާތުގައި ވޮލްވްސް އެފްސީ ކޮޅަށް ޖެހި ފުރަތަމަ ލަނޑު ކާމިޔާބު ކުރީ އެފްސީ ރިކަވަރ ގެ ކެޕްޓަން މުޙަންމަދު ސާޖިދުއެވެ. އަދި ރިކަވަރ ގެ ދެވަނަ ގޯލް ކާމިޔާބު ކޮށްދިނީ އަޙްމަދު ޝާފިއު އެވެ. ދެވަނަ ހާފް ފެށުމާއި އެކު ރިކަވަރގެ ކެޕްޓަން ސާޖިދު އަށް އަނިޔާ ވުމާއި ގުޅިގެން ވަނީ ދަނޑުން ބާލާފައެވެ.
ވޯލްވްސްގެ ގޯލްތައް އެ ޓީމަށް ކާމިޔާބު ކޮށްދިނީ އިބްރާޙިމް މުބީން 1 ގޯލް، ހަމްދޫން އަބްދުލް ލަތީފް 1 ގޯލް އަދި ކެޕްޓަން ހުމައިދު ހުސައިން 1 ގޯލް އެވެ.
މި މެޗްގެ މޮޅު ކުޅުންތެރިޔާގެ މަޤާމަށްވެސް ހޮވުނީ ވޮލްވްސް އެފްސީގެ ކެޕްޓަން ހުމައިދު ހުސައިން އެވެ.
މި މެޗް ޝަރަފުވެރިކޮށްދެއްވީ މާރަންދޫ ކައުންސިލްގެ ދެވަނަ ދައުރުގެ ކައުންސިލް މެމްބަރ އަޙްމަދު އަސްލަމްއެވެ.
މުބާރާތުގެ ސެމީ ފައިނަލް މެޗްތައް ކުރިޔަށް ދާނީ 30 ވަނަ ދުވަހު ހަވީރު އެވެ.
ސެމީ ފައިނަލްގެ ފުރަތަ މެޗްގައި ބައްދަލު ކުރާނީ ވޮލްވްސް އެފްސީ އާއި އިހާ ގޮނޑިއެވެ. އަދި ދެވަނަ މެޗްގައި ބައްދަލު ކުރާނީ އެތްލެޓިކް ޔުނައިޓެޑް އާއި އޯލް ޔުނައިޓެޑްއެވެ.
މި މުބާރާތުގެ މެއިން ސްޕޮންސަރގެ ގޮތުގައި ހަމަޖައްސާފައިވަނީ އިހަވަންދޫ ދާއިރާގެ މެމްބަރު އަޙްމަދު ނަޞީރުގެ އިތުރުން، އެމްސިކްސް ގިފްޓެވެ.
މުބާރާތުގެ ޗެމްޕިއަން ޓީމަށް 5000 ރުފިޔާ ދިނުމަށް ހަމަޖެހިފައިވާއިރު، ރަނަރަޕް ޓީމަށް 2000 ރުފިޔާ ދިނުމަށް ވަނީ ނިންމާފައެވެ. މީގެ އިތުރުން، ފެއާރޕްލޭ ޓީމް، އެންމެ ގިނަ ގޯލްޖެހި ކުޅުންތެރިޔާ، މުބާރާތުގެ އެންމެ މޮޅު ފަސް ކުޅުންތެރިން، އެންމެ މޮޅު ކޯޗު، އެންމެ އުއްމީދީ ކުޅުންތެރިޔާގެ އިތުރުން، މުޅި މުބާރާތުގެ އެންމެ މޮޅު ކުޅުންތެރިޔާގެ މަޤާމު ހޮވުމަށްވެސް ހަމަޖެހިފައިވެއެވެ.
މި މުބާރާތުގެ އޮންލައިން ޕާޓްނަރަކީ ދެލި އޮންލައިންނެވެ.
މުބާރާތުގެ އެކިއެކި ސްޕޮންސަރުން:
ކިޓް ޕާޓްނަރ: ކިޓްކޯ
ޕްރިންޓިން ޕާޓްނަރ: ލޭޔަރ
ޑިޒައިން ޕާޓްނަރ: ލާނިމް ޑިޒައިން
ސިލްވަރ ސްޕޮންސަރ: ޔުނީކް ކާރވިންސްގެ / ޖޯޒީ
ޓްރެވެލް ޕާޓްނަރ: ސެންޓެކްސް / ސީ ކިންގްސް
އޮފިޝަލް ބޯލް ޕާޓްނަރ: ޖާރޒިއާ
ޑިޖިޓަލް ޕާޓްނަރ: ދިރާޖު
މީގެ އިތުރުންވެސް މި މުބާރާތް ހިންގުމަށް ތަފާތު އެކިއެކި ފަރާތްތަކުން ވަނީ އެހީތެރިކަން ފޯރުކޮށްދީފައެވެ.
ކޮމެންޓް